સ્પંદનના ઝરણાં……
જાગૃતિ વાલાણીનો સ્વરચિત અને મનગમતી કવિતાનો બ્લોગ

માધવ કયાંય નથી મધુવનમાં

ફૂલ કહે ભમરાને, ભમરો વાત વહે ગુંજનમાં:
માધવ, કયાંય નથી મધુવનમાં.
કાલિન્દીના જલ પર ઝૂકી પૂછે કદંબડાળી,
યાદ તને બેસી અહીં વેણુ વાતા’તા વનમાળી?
લહર વમળને કહે, વમળ એ વાત સ્મરે સ્પંદનમાં:
માધવ, કયાંય નથી મધુવનમાં.
કોઈ ન માગે દાણ કોઈની આણ ન વાટે ફરતી,
હવે કોઈ લજ્જાથી હસતાં રાવ કદી કયાં કરતી!
નંદ કહે જશુમતીને, માતા લાલ ઝરે લોચનમાં:
માધવ, કયાંય નથી મધુવનમાં.
શિર પર ગોરસમટુકી મારી વાટ ન કેમે ખૂટી,
અવ લગ કંકર એક ન લાગ્યો ગયાં ભાગ્ય મુજ ફૂટી;
કાળજ કહે આંખોને, આંખો વાત વહે અંસુઅનમાં:
માધવ, કયાંય નથી મધુવનમાં.

– હરીન્દ્ર દવે

Advertisements

2 Responses to “માધવ કયાંય નથી મધુવનમાં”

  1. આપની કવિતાઓમા જે વૈવિધ્યતા છે એ ખરેખર પ્રશંસાને પાત્ર છે.આ કવિતાને હું ઘણા સમયથી શોધતો હતો. આ કદી ન ભુલાય એવી કવિતાઓમાની એક છે કે જેનો ગુજરાતી સાહિત્યની સર્વોતમ કવિતાઓમા સમાવેશ કરવામા આવે તો તેમા કોઈ અતિશયોક્તિ નથી ….ખુબ ખુબ ધન્યવાદ.

    હિરેન

  2. ખુબ સુંદર સંગ્રહ કર્યો છે ………………………..


પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

%d bloggers like this: