મારા વિશે………..

મારી એક સારી આદત કહી શકું કે રોજ સવારે ભગવાનની પુજા અને મંદિરે જઇને પછી જ કોઇ પણ કાર્યની શરૂઆત કરવી.મને ભગવાનમાં ખૂબ જ શ્રદ્ધા છે. તેમણે જીવનમાં માગ્યા વગર મારી દરેક ઈચ્છાઓ પૂરી કરી છે.

મેં પાર્લા મણિબેન નાણાવટી વુમ્નસ કોલેજમાંથી ગુજરાતી સાહિત્ય સાથે બી.એ કર્યુ છે.આ સાથે ગુજરાતી ભાષાની વધુ નિકટ જવા મેં ગુજરાતી ભાષા સાથે એમ.એ નું પ્રથમ વર્ષ પણ કર્યુ પરતું એમ.એ નું બીજું વર્ષ કદાચ આવતે વર્ષે કરીશ પણ એનો અર્થ એવો નથી કે મારો ગુજરાતી ભાષા પ્રત્યેનો પ્રેમ ઓછો થઇ ગયો છે. મેં ગુજરાતી પત્રકારત્વનો કોર્સ પણ કર્યો છે પણ આ ક્ષેત્રને વ્યવસાયિક ધોરણે અપનાવી નથી શકી.આજે હું મેગ્નેટ ટેકનોલોજીસ નામની કંપનીમાં જોબ કરું છુ.અહીંયા પણ માતૃભાષા ગુજરાતી સાથે જોડાયેલી છું.હું ઉત્કર્ષ ટીમમાં જોડાયેલી નવી સભ્ય છું.ઉત્કર્ષ ટીમ ગુજરાતી ભાષાને જીંવત રાખવા માટે કાર્યરત છે.

આ સિવાય કવિતા પણ લખું છું જે તમને વાંચવા અને માણવા મળે એવો પ્રયત્ન કરીશ.નવલકથાઓ વાંચવી ગમે છે જેમાં બે નવલકથાને હું હંમેશા વાગોળું છું એક છે કુન્દનિકા કાપડીયાની ‘સાત પગલાં આકાશમાં’ અને બીજી છે વર્ષા અડાલજાની’અણસાર’.વાંચનની સાથે ટી.વી જોવાનો મને ગાંડો શોખ છે.પરંતુ આજકાલ તે પણ ઓછો થઈ ગયો છે.આ સાથે ક્રિકેટ અને ફૂટબોલ જેવી રમતો પણ રમવી ગમે છે પણ છેલ્લા કેટલાક મહિનાઓથી રમી શકી નથી.

ઘણું કહેવાનું છે પરંતુ આજે નહી ફરી કયારેક…